einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich851 daz enlât dich nieman sehen, ez sol ze Salerne geschehen. dâ sol uns viere der tôt lœsen von aller slahte nôt. des tôdes genese wir 854 und ich verre baz dan ir.< Dô si daz kint sâhen zem tôde sô gâhen und ez sô wîslîchen sprach unde menschlich reht zebrach, 859 si begunden ahten under in daz die wîsheit und den sin niemer erzeigen kunde dehein zunge in kindes munde. si jâhen daz der heilic geist 864 der rede wære ir volleist, der ouch sant Niklauses phlac, dô er in der wagen lac, und in die wîsheit lêrte daz er ze gote kêrte 869 sîne kintlîche güete. |