Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2147 sô was ir vreude sus grôz.
        zen vrouwen si giengen
        die si schône emphiengen.
        dâ was diu handelunge guot.
        dar zuo vreuwete in den muot
2152 daz vil süeze seitspil
        und ander kurzwîle vil,
        sagen unde singen
        und snelleclîchen springen.
        dâ was aller künste kraft,
2157 von allen ambeten meisterschaft.
        die aller besten spilman
        die diu werlt ie gewan
        und die meister wâren genant,
        der was dâ zehant
2162 driu tûsent unde mêre.
        ez geschach nie grœzer êre
        weder vordes noch sît
        dan zuo der selben hôchzît.
        swaz der diete dar kam,
2167 diu guot umbe êre nam,
[ zurück ]