einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec223 ein market underm hûse lac:dâ kam er geriten in. die burc meit er durch den sin daz er sîn iht würde gewar dem er hete gevolget dar. 228 nû er suochende reit wer in durch sîne vrümekeit des nahtes næme in sîne phlege, nû vant er an dem wege von den liuten grôzen schal. 233 diu hiuser wâren über al beherberget vaste: der sich sîn ze gaste wolde underwinden, den enkunde er niender vinden. 238 ouch was er habelôs dâ gar. er enhete sich niht gewarnet dar: wan in kam diu reise gâhes an, als ich iu dâ vor gesaget han. er enhete dâ niht mêre, 243 daz bekumberte in dô sêre, |