Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2888 wan ez gelebete der künec Lac
        nie vrœlîchern tac
        danne den dô er vernam
        daz im sîn lieber sun kam.
        er was rüemic unde vrô.
2893 vil drâte besande er dô
        beidiu mâge unde man,
        der er vünf hundert gewan,
        und reit engegen im drî tage.
        nâch der âventiure sage
2898 sô emphiengen si alle
        harte vriuntlîche
        Êrecken mit sînem wîbe.
        ez endorfte vrouwen lîbe
        baz erboten werden nie
2903 dan ouch ir dô man si emphie.
        der alte künec Lac
        vil grôzer vreuden phlac,
        wan si gâben im beide
        schœne ougenweide,
2908 Êrec mit vrouwen Ênîten.
[ zurück ]