Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3472 dô begunden si balde
        gâhen von dem walde:
        vil schône der tac ûf gie.
        als si dô diu naht verlie,
        dô sach vür sich Êrec
3477 wâ in wîste der wec
        ze einem hûs niht verre,
        dâ des landes herre,
        ein rîcher grâve, ûfe saz.
        nû wâren si beide âne maz
3482 alle die naht geriten
        und hâten kumber erliten.
        des hûses wâren si vrô,
        wande si gedâhten dô
        dâ ze ruowen über tac
3487 in einem markte der dar under lac.
        si begunden hin gâhen
        dâ si den market sâhen.
        nû bekam in ûf dem wege
        ein knabe, der hete in sîner phlege
3492 gesoten schultern unde brôt,
[ zurück ]