einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3966 als ich iu ê gesaget hân.doch enhete siz niht verlân: dâ mite hete si in verlorn, sô daz er ir durch den zorn ze geselleschefte niht phlac, 3971 wan er sunder âz und lac. nû gedâhte diu guote alsô in ir muote: "ez ist mir ûf daz zil komen daz mir benamen wirt benomen 3976 der aller liebiste man den ie wîp mêr gewan, ez ensî daz ich in warne. ouch weiz ich daz ichz arne, zebriche ich aber sîn gebot. 3981 nû rât mir, herre, rîcher got! des enwart mir nie sô nôt. ich weiz wol, ez ist mîn tôt, wan er hât mirz nû zwir vertragen. waz aber von diu, wirde ich erslagen 3986 unde nimt er mir den lîp? |