einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec5342 in disem walde?durch got saget balde ob ich iu ze staten müge komen." nû hâte ir benomen diu bitter leides grimme 5347 vil nâch gar die stimme: ir herzen sûft daz wort zebrach daz si vil kûme gesprach: "weinens gât mir michel nôt. herre, mir belîbet tôt 5352 der aller liebiste man den ie wîp gewan." Êrec sprach: "vrouwe, wiest daz komen?" "herre, dâ hânt mir in benomen zwêne risen, die vuorten in 5357 des gevertes vor mir hin. herre, si enlânt in niht genesen, wan si sint im gewesen vîent nû vil manegen tac. ouwê wie wol ich weinen mac!" 5362 "vrouwe, sint si iht verre?" |