Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

5788 gar oder halp tôt.
        nû erbarme dich, des ist nôt,
        wan ich ein tôtez herze hân.
        nû sich wie trûric ich stân.
        erbarme dich, herre, über mich,
5793 wan ez ist erbarmeclich
        daz ich verweisetez wîp
        langer habe mînen lîp
        in selhem ellende.
        wan daz âne missewende
5798 allez dîn werc stât,
        herre, ich zige dich missetât
        daz dû mich langer leben lâst,
        sît dû mir den benomen hâst
        dem ich eine solde leben.
5803 mahtû des, herre, bilde geben
        daz dir aller herzen grunt
        ist gesihteclîchen kunt,
        wan dir mac niht verborgen sîn,
        daz tuo durch dîne erbermde schîn.
5808 unde habe ich mînen man,
[ zurück ]