Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7111 wan daz si doch lâgen?
        diu naht ein süezez ende nam.
        als in dô der tac kam,
        nû riten si von dan.
        der vil wênige man,
7116 Guivreiz ir wirt, vuorte sî
        ze bezzerm gemache dâ bî,
        ûf eine sîne veste
        dâ er si bewart weste
        ze vollem gemache.
7121 von aller guoten sache
        sô was daz selbe hûs vol,
        rehte als ich iu sagen sol.
        ez stuont enmitten in einem sê:
        der gap im genuoc und dannoch mê
7126 der aller besten vische
        die ie ze küneges tische
        dehein man gebrâhte,
        swelher hande man gedâhte.
        dar zuo was dâ daz beste jaget
7131 dâ von uns ie wart gesaget.
[ zurück ]