einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7237 als im dô sînes lîbes mahtvolleclîche wider wart, dô hügete er wider ûf die vart. swie guot gemach dâ wære, im was dâ vil swære. 7242 der tugenthafte man zewâre er gedâhte von dan wol alsô balde als er in einem walde wære âne obedach, 7247 eine âne allen gemach, dâ den unvalschen degen beide wint unde regen harte sêre muote. daz kam von dem muote 7252 daz im dehein werltsache was vor dem gemache dâ er ritterschaft vant und dâ er mit sîner hant die sêre muoste urborn. 7257 diz leben hâte er erkorn. |