Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7505 wer mohte iuz doch rehte sagen?
        "vil starke gebunden."
        ir habet ez rehte ervunden.
        "dar ûf ein scharlachen."
        des mac ich wol gelachen.
7510 "sehet daz ichz rehte errâten kan."
        jâ, ir sît ein weterwîser man.
        "dû redest sam ez sî dîn spot."
        wê, nein ez, durch got.
        "jâ stât dir spotlîch der munt."
7515 ich lache gerne ze aller stunt.
        "sô hân ichz doch errâten?"
        jâ, dâ si dâ trâten.
        "ich hân lîhte etewaz verdaget?"
        jâ enwizzet ir hiute waz ir saget.
7520 "hân ich danne niht wâr?"
        niht als grôz als umbe ein hâr.
        "hân ich danne gar gelogen?"
        niht, iuch hât sus betrogen
        iuwer kintlîcher wân.
7525 ir sult michz iu sagen lân.
[ zurück ]