einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7579 gewaltic herre Ênêasâne alle missewende unz an sînes lîbes ende. dâ mite der satel was bedaht, daz was ein phelle wol geslaht, 7584 sô er beste wesen solde von sîden und von golde. der phelle was ze rehte tief: vil nâch er zuo der erde swief. dâ stuonden an besunder 7589 aller werlde wunder und swaz der himel besliuzet. ob iuch es niht verdriuzet, sô wil ich iu ir ein teil sagen und doch michels mê verdagen. 7594 diu vier elementâ stuonden schînlîchen dâ in ir sundervarwe, und in iegelîchem garwe swaz dem undertænic ist: 7599 diz meisterte ouch starker list. |