Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9270 iedoch gestuont der vâlant
        und gesach im îtel die hant
        und daz swert zebrochen.
        "nû wirde ich wol gerochen"
        gedâhte im der rôte man.
9275 mit grimme lief er in an
        und wolde in allen gâhen
        in vaste zuo im vâhen,
        ûf heben unde stôzen
        mit sînen kreften grôzen,
9280 daz er aller zevüere.
        nû hete ouch ze sînem gevüere
        Êrec in sîner kintheit
        ze Engellande, sam man seit,
        vil wol gelernet ringen
9285 ze andern behenden dingen.
        ouch half in daz man îsengewant
        vil müelîchen mit der hant
        an dem manne mac begrîfen.
        des begunde er im entslîfen,
9290 daz sîn wille niht ergie.
[ zurück ]