Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9776 der wirt er hie ergetzet
        und ist im wol ersetzet
        mit vil wünneclîcher kraft.
        Êrec und sîn geselleschaft
        was dâ zen hôchzîten:
9781 die enliez der künec niht rîten.
        doch was er âne vreude hie,
        alsô daz er sîn herze nie
        von swærem kumber brâhte.
        swenne er dar an gedâhte,
9786 sô entweich im aller sîn muot,
        als ez dem erbarmherzen tuot:
        dem ervollent dicke diu ougen
        offenlîch und tougen,
        swenne er iht des gesiht
9791 daz wol ze erbarmenne geschiht.
        ouch was diz genuoc erbarmeclîch:
        ez enwart nie man sô vreuden rîch,
        dem doch iht erbarmen sol,
        ich wizze daz benamen wol,
9796 hæte er die nôt ersehen,
[ zurück ]