einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1167 wie gerne ez âne slege mit betesînes meisters willen tete! ez enlie sich niht betrâgen ez enwolde dingelîches vrâgen diu guot ze wizzenne sint1172 als ein sæligez kint. Diu kint diu vor drin jâren zuo gesetzet wâren, mit kunst ez diu sô schiere ervuor daz der meister selbe swuor,1177 er gesæhe von aller hande tugent nie sô sinnerîche jugent. er was (dâ enliuge ich iu niht an) der jâre ein kint, der witze ein man. An sîm einleften jâre1182 dô enwas zewâre dehein bezzer grammaticus danne daz kint Grêgôrius. dar nâch in den jâren drin dô gebezzerte sich sîn sin1187 alsô daz im dîvînitas |