Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1264 daz er lîp unde sin
        meisterte nâch sîm werde.
        swâ von ouch ûf der erde
        dehein man ze lobenne geschiht,
        des engebrast an im niht.
1269 der Wunsch hete in gemeistert sô
        daz er sîn was ze kinde vrô,
        wande er nihtes an im vergaz:
        er hete in geschaffet, kunde er, baz.
        die liute dem knappen jâhen,
1274 alle die in gesâhen,
        daz von vischære
        nie geborn wære
        dehein jungelinc sô sælden rîch:
        ez wære harte schedelîch
1279 daz man in niht mähte
        geprîsen von geslähte,
        und jâhen des ze stæte,
        ob erz an gebürte hæte
        sô wære wol ein rîche lant
1284 ze sîner vrümikeit bewant.
[ zurück ]