einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1347 und sîn almuosenære ist,sô müese er uns, wizze Krist, anders undertænic sîn: er müese uns rinder unde swîn trîben ûz unde in.1352 war tet dîn vater sînen sin, do er in mit vrostiger hant ûf dem gemeinen sê vant, daz er in dem apte liez und in im selben niene hiez1357 dienen sam durch allez reht tæte sîn schalc und sîn kneht?' Grêgôrius, dô er daz kint gesluoc, dar umbe was er trûric genuoc und lief im ze hûse nâch.1362 dar umbe was im alsô gâch daz er des sêre vorhte daz im daz kint entworhte sîner ammen minne. nu erhôrte er si dar inne1367 schelten âne mâze. |