Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1390 nu belîbe ich dar an stæte
        daz ich unz an mînes tôdes zil
        den dar umbe biten wil
        der deheiner guottât
        niemer ungelônet lât
1395 daz er iu des lône
        mit der himelischen krône
        (dêswâr des hân ich michel reht)
        daz ir mich ellenden kneht
        von einem vunden kinde
1400 vür allez iuwer gesinde
        sô zartlichen habet erzogen.
        leider ich bin des betrogen,
        ich enbin niht der ich wânde sîn.
        nû sult ir, lieber herre mîn,
1405 mir durch got gebieten.
        ich sol und muoz mich nieten
        nôt und angest (daz ist reht)
        als ein ellender kneht.
        mir hât mîn amme des verjehen
1410 (in einem zorne ist daz geschehen)
[ zurück ]