Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Gregorius

1653 daz erz in hal durch einen list.
        er gedâhte: 'sît er nû ritter ist
        und er des guotes niene hât,
        sô hœret er lîhte mînen rât
        und belîbet noch durch guot gemach.'
1658 er versuochtez aber unde sprach:
        'noch belîp, lieber sun, bî mir.
        dêswâr ich gevüege dir
        ein alsô rîche hîrât
        diu wol nâch dînem willen stât
1663 unde gibe dir al die vrist
        daz dû vil schône varende bist.
        dû hâst gewunnen ritters namen:
        nû muostu dich dîner armuot schamen.
        nû waz touc dîn ritterschaft,
1668 du enhetest guotes die kraft?
        nu enkumestû in dehein lant
        dâ dû iemen sîst erkant:
        da enhâstû vriunt noch vorder habe.
        sich, dâ verdirbestû abe.
1673 noch bekêre dînen muot

[ zurück ]