Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1736 lieber sun, nû ganc mit mir:
        wan ich wil dich sehen lân
        waz ich noch dînes dinges hân.'
         Sus vuorte in der getriuwe man
        vil sêre weinende dan
1741 ûf eine kemenâten
        die er vil wol berâten
        mit sîdîner wæte vant
        und gap im in sîne hant
        sîne tavel, daz er las
1746 wie allem sînem dinge was.
        des wart er trûric unde vrô.
        sîn trûren schuof sich alsô
        als ich iu hie künde:
        er weinde von der sünde,
1751 dâ er inne was geborn.
        dâ wider hâte er im erkorn
        guote vreude dar abe
        von hôher geburt, von rîcher habe,
        der er ê niht enweste.
1756 dô sprach der triuwen veste
[ zurück ]