Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2140 mit dem swerte gesluoc,
        dô bekumberte in alsus
        der getühtige Grêgôrius
        daz er in zoumen began
        und vuorte in mit gewalte dan
2145 vaste gegen dem bürgetor.
        daz was im noch beslozzen vor
        und enwart niht drâte in verlân.
        nû hâte des war getân
        des herzogen ritterschaft.
2150 die begunden mit aller ir kraft
        gegen ir herren gâhen.
        dô daz die burgære sâhen,
        dô wurfen si ûf diu bürgetor.
        alsus ergie dâ vor
2155 der aller hertiste strît
        der vordes oder sît
        von sô vil liuten ergie.
        doch behabete Grêgôrius hie
        sînen gevangenen man
2160 und brâhte in ritterlichen dan.
[ zurück ]