einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2167 des tages michel êreund hete von grôzem sêre erlœset sîner muoter lant mit sîner ellenthaften hant. vordes was sîn prîs sô grôz2172 daz niemen vrumen des verdrôz er enspræche sîn êre: nû hât er ir aber mêre. ouch hât diu vrouwe und ir lant von sîner gehülfigen hant2177 alle ir nôt überkomen. swaz si schaden hete genomen, der wart ir volleclîche erstat, als si gebôt unde bat, und emphie des rehte sicherheit2182 daz er ir dehein leit vürdermâl getæte. daz liez er harte stæte. Dô diz nœtige lant sînen kumber überwant2187 und mit vride stuont als ê, |