Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2931 die sint sô sleht und sô wîz:
        dû hâst ir anderen vlîz
        an dîner heimelîche
        dan dû hie tuost gelîche.
        ich bin des âne sorgen
2936 du enbeginnest dich morgen
        dirre nôt ergetzen.
        dû kanst dich baz gesetzen,
        dâ dû ez veile vindest,
        dâ dû wol überwindest
2941 weizgot alle dîne nôt,
        dâ diz dürre haberbrôt
        und dirre brunne wære
        dînem munde unmære.'
         Dise rede emphie der guote
2946 mit lachendem muote
        und woldes geniezen wider got
        daz er leit sô grôzen spot
        von alsô swacher geburt.
        er engap im dehein antwurt
2951 unz ûf die stunde
[ zurück ]