Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

546 dâ engezwîvelt niemer an.'
       Nû tâten si im ir sache kunt.
      er half in beiden dâ ze stunt
      weinen vor leide
      (er meinde wol si beide)
551 und trôste si vil harte wol,
      sô man den vriunt nâch leide sol
      daz nieman doch erwenden kan.
      sus sprach daz kint ze dem wîsen man:
      'herre, nu vint uns einen rât
556 der uns nû aller nâhest gât,
      sô uns nû kumet diu zît
      daz mîn swester gelît,
      wâ si des kindes genese
      daz ir geburt verswigen wese.
561 nû gedenke ich, ob ich wone
      die wîle mîner swester vone
      ûzerhalp dem lande,
      daz unser zweier schande
      sî verswigen deste baz.'
566 Der wîse sprach: 'sô râte ich daz:
[ zurück ]