Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

850 der hete si vieriu und genas.
      sus ergreif in diu senede nôt
      und lac vor herzeriuwe tôt.
       Diz mære wart ir kunt getân,
      dô si ze kirchen solde gân,
855 rehte dâ vor drîer tage.
      nû vuor si hin mit grôzer klage
      und begruop ir bruoder und ir man.
      dô si daz lant zuo ir gewan
      unde daz ze mære erschal
860 in den landen über al,
      vil manic rîcher herre
      nâhen unde verre
      die gerten ir ze wîbe.
      an gebürte und an lîbe,
865 an der rîcheit und an der jugent,
      an der schœne und an der tugent,
      an zuht und an güete
      und an allem ir gemüete
      sô was si guotes mannes wert:
870 doch wurden si alle entwert.
[ zurück ]