einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich770 mit maniger hande sache diu den wîben wirret und si an vreuden irret. Nû setzet mich in den vollen rât der dâ niemer zegât. 775 mîn gert ein vrîer bûman dem ich wol mînes lîbes gan. zewâre, dem sult ir mich geben, sô ist geschaffet wol mîn leben. im gât sîn phluoc harte wol, 780 sîn hof ist alles râtes vol, da enstirbet ros noch daz rint, da enmüent diu weinenden kint, da enist ze heiz noch ze kalt, da enwirt von jâren nieman alt, 785 der alte wirt junger; dâ enist vrost noch hunger, da enist deheiner slahte leit, da ist ganziu vreude âne arbeit. ze dem wil ich mich ziehen 790 und selhen bû vliehen |