Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1445 âne die vrouwen eine.
        ouch enwas diu nôt niht cleine,
        daz er sî hôrte und niene sach.
        nû buozte si im den ungemach,
        wande sî nâch sîner bete
1450 ein venster ob im ûf tete,
        und liez si in wol beschouwen.
        nû sach er die vrouwen
        von jâmer lîden michel nôt.
        sî sprach 'geselle, an dir ist tôt
1455 der aller tiureste man,
        der rîters namen ie gewan,
        von manheit und von milte.
        ezn gereit nie mit schilte
        dehein rîter alsô volkomen.
1460 ouwê wie bistû mir benomen?
        ichn weiz war umbe ode wie.
        der tôt möhte an mir wol hie
        büezen swaz er ie getete,
        und gewerte mich einer bete,
1465 daz er mich lieze varn mit dir.
[ zurück ]