Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

156 wan dû bist bitters eiters vol,
      dâ dîn herze inne swebet
      und wider dînen êren strebet.'
       Keiî den zorn niht vertruoc,
      er sprach 'vrouwe, es ist genuoc.
161 ir habt mirs joch ze vil gesaget:
      und het irs ein teil verdaget,
      daz zæme iuwerm namen wol.
      ich enpfâhe gerne, als ich sol,
      iuwer zuht und iuwer meisterschaft:
166 doch hât sî alze grôze kraft.
      ir sprechet alze sêre
      den rittern an ir êre.
      wir wârens an iu ungewon:
      ir werdet unwert dervon.
171 ir strâfet mich als einen kneht.
      gnâde ist bezzer danne reht.
      ichn hân iu selhes niht getân,
      irn möhtet mich wol leben lân:
      und wær mîn schulde grœzer iht,
176 so belibe mir der lîp niht.
[ zurück ]