Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1927 und muget einen alsô biderben man
        wol gewinnen, obs iu got gan.
        nune weinet niht mêre
        und gedenket an iuwer êre:
        zewâre, vrouwe, des ist nôt.
1932 mîn herre ist vür sich einen tôt:
        wænt ir daz älliu vrümekheit
        mit im ze grabe sî geleit?
        zewâre des enist niht,
        wand man noch hundert ritter siht
1937 die alle tiurre sint dan er
        ze swerte ze schilte und ze sper.'
        'dû hâst zewâre misseseit.'
        'vrouwe, ich hân die wârheit.'
        'der zeige mir doch einen.'
1942 'liezet ir iuwer weinen,
        deiswâr ich vunden iu harte wol.'
        'ichn weiz waz ich dir tuon sol:
        wan ez dunket mich unmügelich.
        sich, got der gebezzer dich,
1947 ob dû mir nû liegest
[ zurück ]