einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein2009 Dô diu vrouwe ir maget vertreipund sî eine beleip, dô begundes sêre riuwen daz sî ir grôzen triuwen wider sî sô sêre engalt,2014 wand sî ir vluochet und sî schalt. si gedâhte 'waz hân ich getân! ich solde sî geniezen lân daz sî mir wol gedienet hât. ich weiz wol daz sî mir den rât2019 niuwan durch alle triuwe tete. swâ ich gevolget ir bete, daz enwart mir nie leit, und hât mir ouch nû wâr geseit. ich erkenne nu lange wol ir muot:2024 sî ist getriuwe unde guot. ich hân sî übele lâzen. ich möhte wol verwâzen mîne zornige site: wan dâ gewinnet niemen mite2029 niuwan schande unde schaden. |