Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2370 nû tâten sî ouch daz.
         Do si sich ze handen viengen
        und in daz palas giengen,
        und sî den hern Îwein sâhen,
        benamen sî des jâhen,
2375 sin gesæhen nie sô schœnen man.
        dâne lugen sî niht an.
        ouch enwart nie rîter anderswâ
        baz enpfangen dan er dâ.
        si besâhen in als ein wunder
2380 und sprâchen alle besunder
        'wer brâhte disen rîter her?
        ob got wil, ez ist der
        den mîn vrouwe nemen sol.'
        in behaget nie rîter alsô wol.
2385 alsus vuorten sî in
        durch die liute enmitten hin,
        und gesâzen beide an einer stat.
        diu vrouwe ir truhsæzen bat
        daz er ir rede tæte
2390 und sî des alle bæte
[ zurück ]