einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein2607 ich enger niht iuwer habe,ichn gewinnes iu anders abe.' des gnâdet er im verre. er sprach 'wer sît ir, herre?' 'ich bin ez Îwein.' 'nû durch got.'2612 'herre, ich bin ez sunder spot.' nû saget er im mære wie er worden wære herre dâ ze lande. sîner êrn und Keiî schande2617 vreuten sî sich alle dô: dochn was dâ nieman alsô vrô alsô mîn her Gâwein: wan ez was ie under in zwein ein geselleschaft âne haz,2622 und stuont vil verre deste baz ir ietweders wort. noch lac der herre Keiî dort gar ze spotte in allen: wander was gevallen2627 ûf den lîp vil sêre. |