Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

259 Ez geschach mir, dâ von ist ez wâr,
      (es sint nû wol zehen jâr)
      daz ich nâch âventiure reit,
      gewâfent nâch gewonheit,
      ze Breziljân in den walt.
264 dâ wârn die wege manecvalt:
      dô kêrt ich nâch der zeswen hant
      ûf einen stîc den ich dâ vant.
      der wart vil rûch und enge:
      durch dorne und durch gedrenge
269 sô vuor ich allen den tac,
      daz ich vür wâr wol sprechen mac
      daz ich sô grôze arbeit
      nie von ungeverte erleit.
      und dô ez an den âbent gienc,
274 einen stîc ich dô gevienc:
      der truoc mich ûz der wilde,
      und kam an ein gevilde.
      dem volget ich eine wîle,
      niht vol eine mîle,
279 unz ich eine burc ersach:
[ zurück ]