Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3030 der wart sîn ungevelle.
        durch nôt bescheid ich iu wâ von:
        wan diu werlt ist des ungewon,
        swer vrumen gesellen kiese,
        daz er dar an verliese.
3035 zewâre geschach ez ê nie,
        ez geschach doch im, und sage iu wie.
        her Gâwein was der höfschste man
        der rîters namen ie gewan:
        engalt er sîn, daz was im leit;
3040 wan er alle sîn arbeit
        im ze dienste kêrte,
        wier im sînen prîs gemêrte.
        swâ sî turnierens pflâgen,
        des sî niht verlâgen,
3045 dâ muose selch rîterschaft geschehen
        die got mit êren möhte sehen:
        dâ vürdert er in in allen wîs
        und alsô gar daz im der prîs
        aller oftest beleip;
3050 unz er der tage ze vil vertreip.
[ zurück ]