einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3061 von einem turneie komenund hete her Îwein genomen den prîs ze beiden sîten. nû was mit hôchzîten ir herre der künec Artûs3066 ze Karidôl in sînem hûs. dô sluogens ûf ir gezelt vür die burc an daz velt. dâ lâgen sî durch ir gemach, unz sî der künec dâ gesach3071 und sîne besten alle mit vrœlîchem schalle: wand im was komen mære wie in gelungen wære: er saget in gnâde unde danc,3076 daz in sô ofte wol gelanc. swer gerne vrümeclîchen tuot, der dem gnâdet, daz ist guot: in gezimt der arbeit deste baz. swâ man mit worten hie gesaz,3081 diu rede was wan von in zwein. |