einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3471 und sleich alsô lîse dardaz er ir niene wart gewar, unz sî in allenthalben bestreich. dâ zuo sî vil stille sweich. mit ter vil edelen salben3476 bestreich si in allenthalben über houbet und über vüeze. ir wille was sô süeze daz sî daz alsô lange treip unz in der bühsen niht beleip.3481 des wær doch alles unnôt, dâ zuo und man irz verbôt; wan daz sî im den willen truoc, esn dûhtes dannoch niht genuoc, und wær ir sehsstunt mê gewesen:3486 sô gerne sach sî in genesen. und dô sîz gar an in gestreich, vil drâte sî von im entweich, wand sî daz wol erkande daz schämelîchiu schande3491 dem vrumen manne wê tuot, |