Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3564 daz im des sinnes gebrast:
        und ob er ie rîter wart
        und alle sîn umbevart
        die heter in dem mære
        als ez im getroumet wære.
3569 er sprach 'mich hât gelêret
        mîn troum: des bin ich gêret,
        mac ich ze harnasche komen.
        der troum hât mir mîn reht benomen:
        swie gar ich ein gebûre bin,
3574 ez turnieret al mîn sin.
        mîn herze ist mînem lîbe unglîch:
        mîn lîp ist arm, daz herze rîch.
        ist mir getroumet mîn leben?
        ode wer hât mich her gegeben
3579 sô rehte ungetânen?
        ich möhte mich wol ânen
        rîterlîches muotes:
        lîbes unde guotes
        der gebristet mir beider.'
3584 als er diu vrischen cleider
[ zurück ]