einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3797 und wolder lônes hân gegert,des wærer dâ gewert: sîne versaget im lîp noch guot. sone stuont ab niender sîn muot: ern wolde dehein ander lôn.3802 dô diu vrouwe von Nârisôn ir nôt überwant von sîner gehülfigen hant, do begunder urloubes gern. desn wolde sî in niht gewern:3807 wan an in stuont al ir muot. si bedûhte des, er wære guot ze herren in ir lande: und endûhtez sî niht schande, sî hete geworben umb in.3812 und mich entriege mîn sin, swie ez deheiniu entuo, dâ hœret grœzer wîsheit zuo daz sî umb den wurbe von dem sî niht verdurbe,3817 dan sî sich den lieze erwerben |