einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3871 mit gebærde und mit stimme.hie liez er sîne grimme und erzeict im sîne minne als er von sînem sinne aller beste mohte3876 und einem tiere tohte. er antwurt sich in sîne pflege, alser in sît alle wege mit sînem dienste êrte und volgt im swar er kêrte3881 und gestuont im zaller sîner nôt, unz sî beide schiet der tôt. Der lewe und sîn herre die vuoren unverre unz er ein tier ersmahte.3886 nû twanc in des sîn ahte, beidiu der hunger und sîn art, dô er des tieres innen wart, daz er daz gerne wolde jagen. dazn kunderm anders niht gesagen,3891 wan er stuont und sach in an |