Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4076 daz ir angesthafter sît
        dan ich, sît ez sô umbe iuch stât
        daz ez iu an den lîp gât,
        ob ir iuch niht muget erwern.'
        sî sprach 'wer möhte mich ernern?
4081 der joch den willen hæte
        daz erz gerne tæte,
        wer hete dannoch die kraft
        erne dulte meisterschaft?
        wan ez sint drî starke man
4086 die mich alle sprechent an.
        ich weiz ir zwêne, und ouch niht mê,
        an den sô volleclîchen stê
        diu tugent und diu manheit,
        die sich sô starke arbeit
4091 durch mich armen næmen an.
        daz sint ouch zwêne selhe man,
        ir ietweder slüege âne wer
        disses volkes ein her;
        und weiz daz ouch als mînen tôt,
4096 west ir ietweder mîne nôt,
[ zurück ]