Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4338 wan wir suln beidiu wol genesen.
        deiswâr ich wil iuch trœsten wol,
        wan ichz ouch bewaren sol.
        ir hât sô vil durch mich getân:
        ob ich deheine triuwe hân,
4343 sone sol ich daz niht gerne sehen
        daz iu dehein schade mac geschehen
        dâ ichz kan erwenden.
        diu rede sol sich enden:
        sî müezen iuch lâzen vrî,
4348 od ich erslahe sî alle drî.'
        nû was ir durch ir vrümekheit
        ir êre unde ir vrume leit.
        sî wære gerne genesen,
        und möht ez alsô sîn gewesen
4353 daz er den lîp niht verlür.
        sît ab er mit vrîer kür
        den kampf wolde bestân,
        sô lie sîz sîn und muosez lân.
         Nû entwelter dâ niht mê
4358 (sîn lewe volget im als ê)
[ zurück ]