einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4699 gesetzet ûf daz grasals lanc sô daz sper was. Segremors erreit in dô: dem geschach rehte alsô. dar nâch erreit in Hênete,4704 dem er alsam tete. Plîopleherîn und Millemargot die wurden beide ir selber spot mit selhem ungevelle, und Îdêrs ir geselle.4709 daz ich sî alle nenne die ich dâ erkenne, daz ist alsô guot vermiten: wan alle die im nâch riten die streuter nâch ein ander.4714 nieman envander der die vrouwen lôste. ir wære komen ze trôste mîn herre Gâwein, der ie in rîters êren schein:4719 done was er leider niender dâ. |