Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4803 Des trôstes wurden sî vrô
        unde machten im dô
        beide vreude unde spil,
        und sîne dûhte niht ze vil
        deheiner der êren
4808 die sî mohten kêren
        im ze sînen hulden:
        sî dûhte ez wære von schulden.
        sî prîsten sêre sînen muot:
        er dûhtes biderbe unde guot,
4813 in allen wîs ein hövesch man.
        daz kuren sî dar an
        daz der lewe bî im lac
        und anders sites niene pflac
        niuwan als ein ander schâf.
4818 guot spîse und dar nâch senfter slâf
        diu wâren im bereit hie,
        und erwachte dô der tac ûf gie,
        und hôrte eine messe vruo
        und bereite sich darzuo
4823 als er kempfen wolde
[ zurück ]