einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6222 wârens ê riuwevar,ir leides wart nû michels mê. in tete diu schame alsô wê daz in die arme enpfielen, wan in die trähene wielen6227 von den ougen ûf die wât. daz ir grôzen unrât iemen vremder hete gesehen, dâ was in leide an geschehen. in viel daz houbet zetal,6232 und sî vergâzen über al des werkes in den henden. von den ellenden wolt er den portenære gerne vrâgen mære,6237 wand er dâ niemen andern sach: der schalc dô schalclichen sprach. dô er engegen dem tor gienc, der schalc in schalclichen enpfienc: er sprach ûz schalkes munde6242 so er schalclîchest kunde. |