Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6364 gap gîsel unde sicherheit
        daz er in zinsete sîn leben.
        er muoz in älliu jâr geben
        drîzec mägede dâ her
        die wîle sî lebent und er.
6369 und gesigete abe dehein man
        iemer disen beiden an,
        sô wæren wir aber erlôst.
        diu rede ist leider âne trôst:
        wan zuo aller ir kraft
6374 sô sint sî alze manhaft
        daz in iemer dehein man
        den sige müge behaben an.
         Wir sîn die selben zinsgeben
        und hân ein kumberlîchez leben.
6379 wir leiten riuweclîche jugent:
        wan sî sint ân alle tugent
        den wir dâ sîn undertân:
        sine kunnen uns niht geniezen lân
        aller unser arbeit.
6384 swaz uns vür wirt geleit,
[ zurück ]