einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6584 got der müeze vüegen indes morgens bezzer mære danne er getrœstet wære. Morgen, dô ez tac wart unde er sîne êrste vart6589 dem heiligen geiste mit einer messe leiste, dô wolder urloup hân genomen. dô sprach der wirt 'die her sint komen unde rîter wâren als ir,6594 die habent alle sament mir geleistet mîn gewonheit; daz in nâch grôzer arbeit aller oftest ergie. zwêne risen die sint hie:6599 desn ist dehein mîn gast erlân erne müese sî bestân; daz sî noch nieman überwant! und ist iedoch alsô gewant: wære dehein sô sælec man6604 der in beiden gesigete an, |