Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7447 ze zwein slegen hân gesehen,
        sô müese ich iu des siges jehen.
        ich hân der naht vil kûme erbiten.
        swaz ich noch hân gestriten,
        so gewan ich nie sô grôze nôt.
7452 ich vürhte laster ode den tôt
        von iu gewinnen morgen.
        wir sîn in glîchen sorgen.
        und sî iu daz vür wâr geseit
        daz ich durch iuwer vrümekheit
7457 iu aller der êren wol gan
        der ich niht sêre engelten kan.
         Mîn herze ist leides überladen,
        daz ich ûf iuweren schaden
        immer sol gedenken.
7462 swa ez mich niht süle krenken,
        da geschehe iu allez des ir gert.
        des sît ir weizgot wol wert.
        ich wolde daz ez wære alsô
        daz dise juncvrouwen zwô
7467 heten swaz sî dûhte guot,
[ zurück ]