Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7470 ich wil iu mînen namen sagen.
        ich bin genant Gâwein.'
        'Gâwein?' 'jâ.' 'wie wol daz schein
        disen unsenften tac!
        manegen vîentlîchen slac
7475 hân ich von iu enpfangen.
        iuwer haz ist ergangen
        über iuwern gewissen dienestman.
        und ichn zwîvel niht dar an,
        swaz ir mir leides hânt getân,
7480 desn wær ich alles erlân,
        het ich mich enzît genant.
        wir wâren wîlen baz erkant.
        herre, ich bin ez Îwein.'
        dô wonte under in zwein
7485 liebe bî leide.
        sî vreuten sich beide
        daz sî zesamne wâren komen:
        daz ir ietweder hete genomen
        des andern dehein arbeit,
7490 daz was ir beider herzeleit.
[ zurück ]