einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1451 Nu begunden im die wîsen râten unde prîsen umbe êlîche hîrât. ungesamenet was der rât. er sagete in dô sînen muot: 1456 er wolde, diuhtez si guot, nâch sînen vriunden senden und die rede mit in enden swar si ime rieten. biten und gebieten 1461 hiez er allenthalben dar die sînes wortes næmen war. dô er si alle dar gewan, beide mâge unde man, dô tet er in die rede kunt. 1466 nû sprach ein gemeiner munt, ez wære reht unde zît. hie huop sich ein michel strît an dem râte under in. dirre riet her, der ander hin, 1471 als ie die liute tâten |