Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

885 ich meine den gnædigen got.
      sît daz ir des tiuvels spot
      sîne hulde hete entworht,
      daz hete si nû sô sêre ervorht
      daz si vreude und gemach
890 durch sîne hulde versprach,
      sô daz si naht unde tac
      selher unmuoze phlac
      diu dem lîbe unsanfte tete.
      beide mit wachen und mit gebete,
895 mit almuosen und mit vasten
      enlie si den lîp nie gerasten.
      diu wâre riuwe was dâ bî,
      diu aller sünden machet vrî.
       Nû was ir ein herre
900 gesezzen unverre,
      des namen ir vil wol gelîch,
      beidiu edel unde rîch:
      der leite sînen vlîz dar an
      daz si in næme ze man.
905 und dô er sîn reht getete
[ zurück ]